Home » SOSIAL BUDAYA » Gaya Hidup » Rekreasi » Humor » [Humor] Wan Abud, Naik Ojek

[Humor] Wan Abud, Naik Ojek

abud

Wan Abud si juragan onta dari Arab merencanakan liburan ke Indonesia sekaligus mau nengok bini mudanye. Emang si wan Abud ini saking kayanye ape-ape serba lebih, dari mulai rumah yang lebih dari satu, tanah berpetak-petak, onta ame kandangnye pun lebih dari satu. Tak hanya itu aje, bahkan hareem/istrinye pun lebih dari satu, nha bini paling mudanye kebetulan orang Indonesia.

Si bini muda ni namenye Jenong, berhubung belon di nikah resmi alias cuman nikah siri, jadi si Jenong harus rela tinggal di Indonesia karna belon dapat kewarganegaraan Ngarab sono.

Singkat cerite wan Abud dah nyampe di bandara Soetta, terus naek taksi menuju rumeh bini mudanye, wan Abud sengaja kagak ngasih tau dulu mo datang ke Indonesia, ceritanye mo bikin nyurprise ame si jenong nyang lagi ulang taon.

Sampe di daerah si bini muda, perjalanan harus di tempuh pake ojek ,maklum daerah kampuang. Wan Abud yang udeh rutin 3 bulan sekali ke rumah bini ini punya langganan ojek, nha pas hari ntu si ojek langganan kagak mangkal, kepaksa deh nyarter ojek laen, terpetiklah obrolan ringan.

Wan Abud :”Shadiq, kalo ke kampung arab-araban berape?”

Ojek            : “Biase wan 25 rebu…”

Wan Abud : “Mahal amir, ane biase langganan ame si Juki,cuman 10 ribu!”

Ojek            :”Si juki udah kagak narik lagi wan, sekarang si Juki ke Nyaudi jadi Tki. Kalo wan kagak mau ye udeh…, cari ojek laen!”

Wan Abud :”Dasar majenun ente… Ye udeh, kalo ane kagak butuh sebenernya ogah, kapok ane naek ojek ente. 25 ribu ye.., ayo cepetan dah mo Maghrib”

Akhirnye sambil ngedumel kayak dukun yang baca mantra, wan Abudpun kepaksa naek ojek si otong. Sesampenya rumah bini muda udah habis maghrib, setelah turun wan Abud menyodorkan lembaran uang 10 ribuan 3 lembar, Otong yang dari pagi belon dapet pelanggan kagak punya kembalianpun ngomong ame wan Abud..

“Wan, dari pagi saya belon dapet pelanggan ni wan ,kagak ade kembaliannye…, ane tukerin di warung dulu ye?”

“Jauh kagak? Kalo jauh mendingan jangan… ane mintain ame bini bentar”” Wan Abud lalu teriak-teriak manggil bininye si Jenong.

“Jenong Ya Habibti, Jenoooong……! Keluar bentaran .. ane dateng membawa kado istimewa…!”

Si Jenong sang bini keluar mendengar teriakan wan Abud, kaget campur seneng suaminye dateng, langsung si Jenong meluk dah tuh arab sedeng.

“Ahlan Ya Habibti, keifhalak?… Kenapa kagak nelpon Jenong dulu?” Sambil senyum di buat-buat si Jenong nanya.

“Nanti ane ceritain.., Jenon, ade lima ribuan kagak, buat bayar ntu ojek majenun?”

“Waduh kagak ade bang, adenye seratus ribuan noh di dalem”

“Payah ente.., ya dah kagak ape-ape dah, ane mo naek ntu ojek lagi aje” Jawab wan Abud kesel.

Wan Abud pun langsung aje nangkring lagi di belakang motor si Otong. Jenong nye bingung tapi maklum ape nyang bakal di lakuin ame suami tercintanye.

Si Otong yang kaget spontan ngomong.

“Mau kemane lagi wan, pan udeh nyampe?”

“Diem lu, jalan 500 meter ke depan, terus balik lagi ke rumeh ini. Biar impas ntu duit, daripade duit ane nyangkol di ente!”

Si Otong yang ngarti ntu Ngarab sedeng pelit nurut tapi sambil ngomel panjang pendek…

“Dasar Ngarab, pelit kagak pake rem lu…”

Wan Abud yang denger omelan si otong langsung aje nyamber sambil nonyor kepala si otong…

“Eh…majenun, masih mending ane minta di labasin limaratus meter dari rumah bini ane. Biasanye kalo ane naek ojek si Juki, ane yang di depan…,!”

Si otong : ”@#%!@#$*… Pantesan si Juki ngabur ke luar negeri, ngojek di naikin ame onta mulu. Rugi…rugiiii””

Salam kereria….

Facebook Comments

About Arke

6 comments

  1. HaHaHaHaHa, somplak si wan abudhttps://ketikketik.com/wp-content/plugins/wp-monalisa/icons/wpml_yahoo.gif

  2. katedrarajawen

    Ya ampun, perhitungan banget sih wan Abud, kalau ketemu bang haji pasti dibilang terlalu!https://ketikketik.com/wp-content/plugins/wp-monalisa/icons/wpml_good.gif

  3. numpang ketawa ya…huahahaha…https://ketikketik.com/wp-content/plugins/wp-monalisa/icons/wpml_good.gif

Leave a Reply

Your email address will not be published.

https://www.ketikketik.com/wp-content/plugins/wp-monalisa/icons/wpml_bye.gif 
https://www.ketikketik.com/wp-content/plugins/wp-monalisa/icons/wpml_good.gif 
https://www.ketikketik.com/wp-content/plugins/wp-monalisa/icons/wpml_negative.gif 
https://www.ketikketik.com/wp-content/plugins/wp-monalisa/icons/wpml_scratch.gif 
https://www.ketikketik.com/wp-content/plugins/wp-monalisa/icons/wpml_wacko.gif 
https://www.ketikketik.com/wp-content/plugins/wp-monalisa/icons/wpml_yahoo.gif 
https://www.ketikketik.com/wp-content/plugins/wp-monalisa/icons/wpml_cool.gif 
https://www.ketikketik.com/wp-content/plugins/wp-monalisa/icons/wpml_heart.gif 
https://www.ketikketik.com/wp-content/plugins/wp-monalisa/icons/wpml_rose.gif 
https://www.ketikketik.com/wp-content/plugins/wp-monalisa/icons/wpml_smile.gif 
https://www.ketikketik.com/wp-content/plugins/wp-monalisa/icons/wpml_whistle3.gif 
https://www.ketikketik.com/wp-content/plugins/wp-monalisa/icons/wpml_yes.gif 
https://www.ketikketik.com/wp-content/plugins/wp-monalisa/icons/wpml_cry.gif 
https://www.ketikketik.com/wp-content/plugins/wp-monalisa/icons/wpml_mail.gif 
https://www.ketikketik.com/wp-content/plugins/wp-monalisa/icons/wpml_sad.gif 
https://www.ketikketik.com/wp-content/plugins/wp-monalisa/icons/wpml_unsure.gif 
https://www.ketikketik.com/wp-content/plugins/wp-monalisa/icons/wpml_wink.gif