Home » SOSIAL BUDAYA » Gaya Hidup » Rekreasi » Humor » [Humor] Wan Abud, Saat Bini Nyombong

[Humor] Wan Abud, Saat Bini Nyombong

abud

http://wapixel.com

Wan Abud,juragan onta rajanya pelit.

Si jenong nampak mondar-mandir kayak ayam nelen karet,lehernye kagak bisa berhenti goyang-goyang,sementara Wan Abud sang suami tercinta belon pulang,lagi nganterin mertua alias babehnye si jenong ke kota berboncengan naek motor sewaan.

Tiba-tiba hape nye si madam kagok ni bunyi,terdengar nada dering cing cang keling loud sekali,maklum orang udik…,di angkat dah tuh hape,”Halo sayang,kemane aje ame babeh,lama banget sieh,pan jenong khawatir sayang…?” masih dengan nada manja nye si jenong bicara.
“Bentaran juga nyampe rumah jenong ya habibti,sabar ye…ane juga kangen kok…padahal baru di tinggal bentaran,tapi rasa-rasanye kayak berabad-abad…”jawab Wan Abud koplak keluar buaye nye.
Selang setengah jam dalam penantian lebay,akhirnye muncul juga ntu si Wan Abud boncengan ame mertua laki,langsung aje si jenong nyambut di pintu sambil cengengesan.
“Gimane beh acara beli baju batiknye,dapet nyang bagus kagak…,terus ntu pasar rame kagak beh?”,sapa jenong pada babehnye sambil nyium tangannye.
“Dasar o’on….di mane-mane pasar rame jenoooong….,Babeh beli nyang harganye 150 rebu,sesuai permintaan ente,mumpung ade mantu kaye…hikhikhiks..”,jawab si Babeh sambil cekikikan. Rupanye kagak anak kagak bapak same aje,punya ilmu aji mumpung (cepek deeech).
“Jangan lupa beh,ntar malem ntu batik di pake,biar kerenan dikit,pan mantu babeh juragan onta…masa mertuanye kagak punya baju nyang bagus?…gengsi dong,ntar malem saatnye pamer di kondangan”,celoteh si jenong nyambung ucapan Babehnye.
Tiba malem hari,tetangga dekat rumahnye ade nyang nikahan,nha keluarga si jenong dapet undangan khusus,maklum…sudah di anggap sebagai keluarga berada.  Wan Abud dengan jubah kebesaran khas timur tengahnye lengkap dengan sorban,sementara si jenong dengan pakaian ala ngartis Bollywood,dengan udel nyang bodong di pamerin,gelang ngerenteng sampe sikut,cincin melingkar di sepuluh jari,udah kayak tessy dah pokoknye,dan Babehnye memakai setelan batik nyang di beliin ame mantu nye si Abud tadi siang.
Nyampe di tempat kondangan tamu udeh rame,walhasil mereka bertiga langsung aje nyampur setelah sebelumnye masukin amplop ke dalam kotak nyang di sediakan tuan rumah.
Wan Abud nggabung ame para tetamu pria,sedangkan sang mertua ngumpul ame para tetua di kampung sambil menikmati sajian gratis,dan si jenong ngrerumpi ame tetamu perempuan nyang ngumpul sambil ngomongin para tetamu dari luar kampung.

Terdengar obrolan ringan si jenong dengan para Ibu-ibu.

“Wah Mpok jenong sekarang hebat ye,bajunye kinclong gemerlapan kayak habis di celup minyak tanah…,perhiasannya udeh kayak toko emas berjalan pula…”
Canda Ibu-ibu menggoda si jenong,tapi dasar o’on…,candaan semacem ntu di anggepnye pujian bahwa Die dah naik kelasnye,malah dengan sombongnye di goyang-goyang tangannye sambil ketawa-ketiwi kayak orang setip adanye,dan berceloteh panjang lebar kayak pidato kenegaraan.
“Eh,empok-empok atopun nyang udeh emak-emak,aye mah di panggil mpok jenong ntu cuman dimari doang,kalo di negare suami aye,kagak ade nyang manggil aye mpok,harus MADDAM…!”,celoteh si jenong menimpali.

“Maddam apaan mpok jenong…Madam kebakaran…???” Hahahahaha…huuuuu ,riuh Ibu-ibu nertawain si jenong.

“Maddam ntu khusus panggilan buat nyonya-nyonya di Ngarab sono Nyaaak,pan rata-rata orang nyaudi kaya semua,kagak kayak dimari nyang masih demen nyangkul..?”sanggah jenong mulai nyombong.
“Dan perlu empok-empok ketahui ye,di Nyaudi sono..anak-anak kecil ntu udeh pade pinter bahasa arabnye,kagak kayak dimari nyang musti pake sekolah khusus arab dulu,terus di Nyaudi sono kagak ade pengemis mpok,nyang ade ntu orang minta sedekah ame orang nyang lebih kaya dari Die…”,imbuh si jenong ngeles.
“Waduuuh…mpok jenong,perasaan ente kagak o’on-o’on banget deh,pan semua orang juga tahu anak kecil di arab pade pinter bahasa arab,orang kakek moyangnye ngomongnye arab,ye otomatis ntu bocah ngikut nyang tua ngomong arab…berarti kalo gitu anak kecil di Indonesia lebih pinter dong,mereka masih kecil udeh pade pinter ngomong sunda,ngomong jawa,ngomong madura,ngomong batak…,padahal kagak ade sekolah khusus bahasa jawa,bahasa sunda,bahasa madura,bahasa batak…weeeek..”,jawab Ibu tadi kesal.

Hahahahah…Huuuu,payah ni madam jenoooong..”,kembali teriakan riuh rendah Ibu-ibu menimpali omongan si jenong.

Jenong…jenong…,O’ON kok di piara…!!!,teriak pak Kades yang sedang memberi sambutan di atas panggung pengantin melalui pengeras suara yang mendengar celoteh si jenong.

Salam Kereria…..

Facebook Comments

About Arke

3 comments

  1. wkwkwkwkwkwkwk…..https://ketikketik.com/wp-content/plugins/wp-monalisa/icons/wpml_yahoo.gif

  2. waduh min, perasaan ini tulisan masih di draft? Kok udeh kepublish ya? emang kagak bisa nyimpen dulu min? :roll:

Leave a Reply

Your email address will not be published.

https://www.ketikketik.com/wp-content/plugins/wp-monalisa/icons/wpml_bye.gif 
https://www.ketikketik.com/wp-content/plugins/wp-monalisa/icons/wpml_good.gif 
https://www.ketikketik.com/wp-content/plugins/wp-monalisa/icons/wpml_negative.gif 
https://www.ketikketik.com/wp-content/plugins/wp-monalisa/icons/wpml_scratch.gif 
https://www.ketikketik.com/wp-content/plugins/wp-monalisa/icons/wpml_wacko.gif 
https://www.ketikketik.com/wp-content/plugins/wp-monalisa/icons/wpml_yahoo.gif 
https://www.ketikketik.com/wp-content/plugins/wp-monalisa/icons/wpml_cool.gif 
https://www.ketikketik.com/wp-content/plugins/wp-monalisa/icons/wpml_heart.gif 
https://www.ketikketik.com/wp-content/plugins/wp-monalisa/icons/wpml_rose.gif 
https://www.ketikketik.com/wp-content/plugins/wp-monalisa/icons/wpml_smile.gif 
https://www.ketikketik.com/wp-content/plugins/wp-monalisa/icons/wpml_whistle3.gif 
https://www.ketikketik.com/wp-content/plugins/wp-monalisa/icons/wpml_yes.gif 
https://www.ketikketik.com/wp-content/plugins/wp-monalisa/icons/wpml_cry.gif 
https://www.ketikketik.com/wp-content/plugins/wp-monalisa/icons/wpml_mail.gif 
https://www.ketikketik.com/wp-content/plugins/wp-monalisa/icons/wpml_sad.gif 
https://www.ketikketik.com/wp-content/plugins/wp-monalisa/icons/wpml_unsure.gif 
https://www.ketikketik.com/wp-content/plugins/wp-monalisa/icons/wpml_wink.gif